ສົງຄາມໂລກເທື່ອທີ່ສາມບໍ່ໄດ້ຈະກຳລັງເກີດຂຶ້ນ

ສົງຄາມໂລກເທື່ອທີ່ສາມບໍ່ໄດ້ຈະກຳລັງເກີດຂຶ້ນ

ສຳນັກຂ່າວວໍຊິງຕັນໂພດ໌ແຈ້ງ ສົງຄາມໂລກເທື່ອທີ່ສາມບໍ່ໄດ້ຈະກຳລັງເກີດຂຶ້ນ ຢ່າແຕກຕື່ນ ພ້ອມອະທິບາຍເປັນຂໍ້ໆ ເພື່ອຢຸດຂ່າວລືລວງໂລກ

ເມື່ອວັນທີ່ 15 ຕຸລາ 2559 ເວັບໄຊຕ໌ຂອງສຳນັກຂ່າວຊື່ດັ່ງ ວໍຊິງຕັນໂພດ໌ໄດ້ສະຫລຸບເຖິງສະຖານນະການການເຄື່ອນໄຫວທາງຂອງລັດເຊຍ ພ້ອມກັບວິເຄາະວ່າແຕ່ລະສະຖານນະການມີຄວາມຫມາຍຢ່າງໃດ ແລະ ສາມາດຕີຄວາມໄດ້ວ່າລັດເຊຍຕ້ອງການປະກອບສົງຄາມຫລືບໍ່ ຊຶ່ງຄຳອະທິບາຍທັງໝົດ ມີດັ່ງຕໍ່ໄປນີ້

ເຫດການທີ່ 1 : ລັດເຊຍສ້າງຫລຸມຫລົບໄພ
ມີໂປດເຕີລ໌ປະກາດປາກົດໃນປະເທດເພື່ອນເຮືອນໃກ້ຄຽງລັດເຊຍວ່າ ລັດຖະບານລັດເຊຍຕ້ອງການເກັບເງີນຈາກປະຊາຊົນ ຄົນລະ 500 ລູເບີນ (ປະມານ 2,797 ບາດໄທ) ເພື່ອນຳໄປສ້າງຫລຸມຫລົບໄພແຫ່ງໃໝ່ ເນື່ອງຈາກມີການຄາດການວ່າ ປະເທດສັດຕູ (ສະຫາລັດອະເມລິກາແລະພັນທະມິດ) ຈະໂຈມຕີລັດເຊຍດ້ວຍລະເບີດນິວຄຽລ໌

ນັ້ນໝາຍເຖິງສົງຄາມຫລືບໍ່?
- ແທບຈະເປັນໄປບໍ່ໄດ້ ມັນເປັນພຽງຂ່າວລວງ ແລະ ຜູ້ທີ່ຢູ່ເບື້ອງຫລັງອາດຕ້ອງການຫລອກເອົາເງີນປະຊາຊົນເທົ່ານັ້ນ

ພາບຈາກ Ventura/Shutterstock.com

ເຫດການທີ່ 2 : ລັດຖະບານປະກາດກັກຕຸນອາຫານ
          ສຳນັກງານລັດຖະບານປະຈຳກຸງເຊນຕ໌ປີເຕີລ໌ສະເບີກ ວາງແຜນກັກຕຸນອາຫານເຜື່ອກໍລະນີສຸກເສີນ ໂດຍຈະກັກຕຸນຂະໜົມປັງມື້ລະ 300 ກຣາມ ສຳລັບປະຊາຊົນແຕ່ລະຄົນ ຈຳນວນກວ່າ 5 ລ້ານຄົນ ໃຫ້ສາມາດຍັງຊີບໄດ້ 20 ມື້

ນັ້ນໝາຍເຖິງສົງຄາມຫລືບໍ່?
          - ບໍ່ ໜ້າຈະເປັນພຽງການຈັດສາກສ້າງຂ່າວລວງຂຶ້ນໃຫ້ຕື່ນຕົກໃຈເທົ່ານັ້ນ ຊຶ່ງເລື່ອງນີ້ ອະເລັກຊານເດີລ໌ ໂກທ໌ສ ນັກວິເຄາະສາຍທະຫານຂອງສຳນັກຂ່າວເຍຊະຊິເດຍຟະນີ ເຊີລ໌ນານ ໄດ້ວິເຄາະວ່າ ສະໄໝສົງຄາມໂລກເທື່ອທີ່ 2 ເຍີລົມນີຢຶດຄອງເມືອງເລນິນກາດຢູ່ 900 ມື້ ຍັງມີການກັກຕຸນອາຫານນ້ອຍກວ່ານີ້ຫລາຍ ແລະ ອີກຢ່າງລັດເຊຍມີອານຸພາບທາງອາວຸດທີ່ຫລາຍພໍ ຄົງບໍ່ຕ້ອງກັກຕຸນອາຫານໃຫ້ຫລວງ-ຫລາຍດອກ

ເຫດການທີ່ 3 : ນັກການເມືອງກະຫາຍສົງຄາມ
          ວະລາດີມີລ໌ ໄຊລິນໍຟົດກີ້ ສະມາຊິກສະພານິຕິບັນຍັດ ຜູ້ມີແນວຄິດຊາດນິຍົມສຸດໂຕ່ງ ອອກມາປະກາດວ່າ ຖ້າຮິນລາລີ ຄິນຕັນ ໄດ້ຮັບເລືອກຕັ້ງເປັນປະທານາທິບດີດສະຫາລັດອະເມລິກາ ນັ້ນໝາຍຄວາມວ່າ ສົງຄາມຈະເກີດ

ນັ້ນໝາຍເຖິງສົງຄາມຫລືບໍ່?
          - ບໍ່ ເພາະນາຍໄຊລິນໍຟົດກີ້ ມັກເວົ້າເວີ່ລ໌ວັງເກີນຈິງສະເໝີ ພວກເຂົາປະກາດກ້າວວ່າຈະເຮັດສົງຄາມກັບທຸກທີ່ ຕັ້ງແຕ່ຢຶດຄອງອະແລດກາ ບະດົກຍີ້ໂປແລນດ໌ ຄາບທະເລບອນຕິກ ໄປຈົນເຖິງຄອບຄອງຈອລ໌ເຈຍ ເຖິງແມ່ນວ່າພວກເຂົາຈະເປັນພວກຫົວຮຸນແຮງຢ່າງທີ່ສຸດ ແຕ່ພວກເຂົາກໍເປັນສະມາຊິກພັກເສລີນິຍົມປະຊາທິປະໄຕຂອງລັດເຊຍ ຜູ້ຊຶ່ງມີອຳນາດຄວບຄຸມສຽງໃນສະພາເຖິງ 39 ທີ່ນັ່ງ ແລະເຖິງແມ່ນນາຍໄຊລິນໍຟົດກີ້ຍັງນິຍົມຖຶກໃຈໃນຕົວໂດນັນດ໌ ຊຳປ໌ ແຕ່ກໍຢູ່ຫ່າງປຸ່ມກົດສັ່ງຍິງນິວຄຽລ໌ຫລາຍ

ເຫດການທີ່ 4 : ການຂະຫຍາຍກອງທັບ ເພີ່ມກຳລັງທະຫານ
          ລັດຖະບານລັດເຊຍໄດ້ແກ້ໄຂກົດຫມາຍ ເພື່ອໃຫ້ສາມາດອະໜຸນ ງົບຈ້າງທະຫານກອງໜຸນເພີ່ມ ອີກທັງເພີ່ມງົບຈ້າງທະຫານຜ່ານເສິກໂດຍມີສັນຍາ 6 ເດືອນ

ນັ້ນໝາຍເຖິງສົງຄາມຫລືບໍ່?
          - ບໍ່ໜ້າຈະແມ່ນເລີຍ ໃນເລື່ອງນີ້ ທ່ານຊານເດີລ໌ ໂກທ໌ ວິເຄາະວ່າ ກົດຫມາຍດັ່ງກ່າວນັ້ນຈະບັງຄັບໃຊ້ຕໍ່ເມື່ອປະເທດຊາດເຂົ້າສູ່ພາວະທີ່ຕ້ອງການປິ່ນປົວຄວາມສະຫງົບແລະຄວາມປອດໄພ ເຊັ່ນ ເກີດໄພພິບັດທາງທຳມະຊາດຫລືບັນຫາຄວາມບໍ່ສະຫງົບໃນປະເທດ ຊຶ່ງເປັນໄປບໍ່ໄດ້ທີ່ກອງທະຫານເຫລົ່ານີ້ຈະໄປປະຈຳການທີ່ອື່ນນອກລັດເຊຍ ເຊັ່ນ ຊີເລຍ ເປັນຕົ້ນ ໂກທ໌ອະທິບາຍວ່າ ທາງກອງທັບໄດ້ປະກາດຫລາຍເທື່ອແລ້ວວ່າ ທະຫານກອງໜຸນເຫລົ່ານີ້ ຈະບໍ່ຕ້ອງໄປປະຈຳການທີ່ອື່ນນອກເໜືອຈາກໃນປະເທດ ທະຫານທີ່ຈະໄປຮົບຈິງຈັງນອກປະເທດ ຈະມີສະເພາະທະຫານມືອາຊີບເທົ່ານັ້ນ ແລະໃນຊີເຣຍນ ອາດຈະມີການໂຈມຕີກັບສະຫລັດ ຯ ແຕ່ຈະບໍ່ມີການເພີ່ມທະຫານທີ່ມາຈາກກົດຫມາຍສະບັບນີ້

ເຫດການທີ່ 5 : ການເຄື່ອນຍ້າຍຫົວຮົບຂີປະນາວຸດ
          ລັດເຊຍໄດ້ກໍ່ການເຄື່ອນຍ້າຍຫົວຮົບນິວເຄຼຍໄປຍັງຄາລິນິນກາດ ຊຶ່ງເປັນພົມແດນຕິດກັບກຸ່ມປະເທດບອນຕິກ

ຖືເປັນການປະກາດສົງຄາມຫລືບໍ່?
          - ບໍ່ແມ່ນຢ່າງແນ່ນອນ ຈາກຫລາຍໆ ຂ່າວທີ່ແພ່ສະພັດເລື່ອງຄວາມຢ້ານວ່າລັດເຊຍຈະກໍ່ສົງຄາມນິວເຄຼຍໃນໂປແລນດ໌ແລະກຸ່ມປະເທດບອນຕິກນັ້ນ ພົນຕີ ອິກອລ໌ ໂຄນາເຊນຄໍຟ ໂຄສົກກະຊວງກະລາໂຫມລັດເຊຍ ໄດ້ອອກວ່າ ໜຶ່ງໃນຂີປະນາວຸດທີ່ເຄື່ອນຍ້າຍໄປນັ້ນ ຕັ້ງໃຈຈະສະແດງໃຫ້ດາວທຽມສອດແນມຂອງສະຫາລັດຫລັດ ຯ ໄດ້ເຫັນ ແລະການເຄື່ອນຍ້າຍດັ່ງກ່າວ ເປັນພຽງການຊ້ອມຮົບປົກກະຕິ ນອກຈາກນີ້ ທາງກະຊວງການຕ່າງປະເທດຂອງລິທົວເນຍ ເຖິງແມ່ນຈະບໍ່ຄ່ອຍພໍໃຈກັບການກະທຳດັ່ງກ່າວ ແຕ່ກໍອອກລາຍງານຂ່າວວ່າ ການເຄື່ອນຍ້າຍຂີປະນາວຸດຂອງລັດເຊຍ ເປັນພຽງກົນຍຸດທ໌ທາງທະຫານຂອງລັດເຊຍເທົ່ານັ້ນ